Şaredariya Tuşbayê, ji bo gihîştina qadên perava yên navçeyê bi hêsanî, xebatên vekirina rêyan û stabîlîzekirinê bê navber didomîne. li Taxa Canîkê di çarçoveya van xebatan de rêyên nû ku ber bi peravê ve diçin hatin vekirin û stabîlîzekirin.

Gerînendehiya Karûbarên Teknîkî ya Şaredariya Tuşbayê, ji bo baştirkirina jiyanê li navçeyê û xurtkirina tora veguhastinê, xebatên rêyan bênavber dimeşîne. Ekîbên Gerînendehiya Karûbarên Teknîkî, bi nêzîkatiyeke xizmeta navwelatî, li Canîkê rêyên nû vekirin da ku çûyîn û hatina deverên peravê hêsantir bibe û xebat pêk anîn.

Xebatên Stabîlîzekirina Rêyên Peravê

Di çarçoveya xebatan de, erdên xerabûyî yên li herêmê hatin sererastkirin û ji bo derbasbûna wesayîtan hate guncavkirin. Bi van xebatan, armanc ew e ku hem çûyîn û hatina peyayan hem jî ya wesayîtan bi awayekî ewletir were dabînkirine.

Şaredariya Tuşbayê, bi taybetî ji bo ku rêyên peravê bo bikaranîna gel guncav bike, xebatên xwe berdewam dike. Bi rakirina astengiyên li pêşiya gihîştina peravan, rêyên peravê yên ewletir û gihîştîtir ji welatiyan re çêdike.

Ji Keyayê Taxê Spasî û Daxwaza Asfaltê

Keyayê Taxa Canîkê Mehmet Emîn Îlerî, dilxwaşiya xwe ji ber xebatan anî ziman û wiha got: “Xizmeta ku şaredariya me li taxa me kir, ji bo gelê me gelekî girîng e. Gihîştina deverên peravê naha dê hêsantir û ewletir bibe. Ji bo van xebatan, ez spasiya Hevşaredarên me,Alîkarê Hevşaredar û Gerînendehiya Karûbarên Teknîkî dikim. Em daxwaz dikin ku rê di demeke kurt de bêne qîrkirin.”

Xebat Bi Awayekî Rêkûpêk Berdewam Dikin

Gerînendehiya Karûbarên Teknîkî diyar kir ku piştî vekirina rêyên ber bi peravan ve li Taxa Canîkê, xebatên stabîlîzekirinê jî bi hevdemî tên meşandin û li çar heqalên navçeyê xebatên vekirina rêyên nû, stabîlîzekirin û temîrkirina asfaltê berdewam in.

Gerînendehiyê got: “Em daxwaz û hewcedariyên gel li ber çavan digirin û xizmeta bi qalîte û domdar digihînin her derê navçeyê. Bi bernameyeke gelekî giran, em xebatên baştirkirina rêyan dimeşînin.”