Şaredariya Tuşbayê, ku xebatên xwe li gor têgihiştina şaredariya civakî berdewam dike, ji bo hemwelatiyên astengdar ên ku hewcedariya wan pê heye kursiyên biteker belav kir.

Gerînendehiya Çand, Huner û Karûbarên Civakî ya Şaredariya Tuşbayê, di çarçoveya Hefteya Astengdaran de xebatên piştgiriyê yên ji bo welatiyên astengdar yên hewcedar berdewam dike. Xebatkarên gerînendehiyê, çûn malên welatiyan û kursiyên biteker radestî wan kirin.

Şaredariya Tuşbayê, ku xebatên xwe bi têgihiştina şaredariya civakî didomîne, di xebatên qadê yên ku li seranserê navçeyê pêk tîne de welatiyên ku pêdiviyên wan heyî kifş dike û di heman demê de daxwazên ku ji hemwelatiyan tên bi demildest dinirxîne û bi vî aweyî piştgiriyê pêşkêş dike. Di çarçoveya xebatên pêkhatî de ji gelek welatiyên astengdar re piştgiriya kursiya biteker hate dayîn.

'Em Ji Bo Jiyaneke Bêasteng Dixebitin'

Gerînendehiya Çand, Huner û Karûbarên Civakî, got ku ew armanca jiyaneke bêasteng dikin û diyar kir ku xebatên piştgiriyê ji bo hêsankirina jiyana rojane ya kesên astengdar  dê berdewam bikin.

Welatiyan jî ji ber piştevaniya pêkhatî spasiya Şaredariya Tuşbayê kirin û destnîşan kirin ku van cure xebat ji bona wan gelek girîng in.