Şaredariya Tuşbayê, di arefeya Cejna Remezanê de ji bo parastina tenduristiya gelemperî xebatên vekolînê zêdetir kir.

Tîmên Gerînendehiya Zabiteyê, danê sibehê li seranserê navçeyê li kargehên hilberîna şêriniyan û li marketên ku çikolat û şeklemeya difiroşin de vekolînên berfireh pêk anî. Di qontrolan de rewşa paqijiyê a giştî ya karsazan, paqijiya qadên hilberînê, demên bikaranîna berheman û şertên ragirtina berheman hatin nirxandin.

Di dema venêrînan de lihevhatina bi rêzikên hijyenê hatin qontrolkirin; ji kargehên ku kêmasî lê hatin dîtin re hişyariyên pêwîst hatin kirin û agahdarî li ser lêgirîna rêzikan hate dayîn.

Peywirdaran her wiha ji xwediyên karsazan re bi bîr xistin ku, divê bi taybetî di heyama cejnê de baldariya zêdetir li ser ewlekariya xwarinê were nîşandan.

Rayedarên Şaredariya Tuşbayê diyar kirin ku vekolîn dê berî cejnê û di dema cejnê de berdewam bikin da ku hemwelatî bikaribin bigihîjin xwarina paqij û ewledar.