Civîna duyemîn a Civîna Asayî ya Meclisa Şaredariya Tuşbayê ya Meha Tebaxê, di bin banê serokatiya Cîgira Serokê Meclisê Aycan Altin de pêk hat.

Di civînê de, raporên xebatê yên ku ji aliyê komîsyonên pispor ve hatibûn amadekirin, pêşkêşî endamên meclisê hatin kirin. Bi taybetî çalakiyên Komîsyona Jinan, Komîsyona Wekheviyê ya Derfetên Jin û Mêran û Komîsyona Nirxên Aborî û Mafên Bingehîn bi hûrgulî hatin parvekirin.

Di nîqaşan de, meclis li ser projeyên ku armanc dikin beşdarbûna jinan di jiyana civakî û aborî de zêde bikin, piştgiriya kooperatîfên jinan û xebatên qadê yên Navenda Şêwirmendiya Jinan hate agahdarkirin. Her wiha, ji bo têkbirina bandorên neyînî yên şertên aborî yên heyî li ser welatiyan, zêdekirina piştgiriyên civakî, projeyên ji bo komên destteng û berdewamkirina xebatên ku istihdamê teşwîq dikin hate teqezkirin.

Piştî xwendina raportan, berdewamiya xebatên ku komîsyonan meşandine bi yekdengî hate pejirandin.

Meclisa Şaredariya Tuşbayê dê xebatên xwe yên Meha Tebaxê bi civîna sêyemîn a ku sibehê saet di 09.00ê de pêk were berdewam bike.