Şaredariya Tuşbayê, ji bo ku qadên bêhnvedanê bona niştecihên navçeyê baştir bike amûrên li parqan diguherîne.

Tîmên Gerînendehiya Parq û Baxçeyan a Şaredariya Tuşbayê, xebatên nûkirinê yên ku li parkan dest pê kirine didomîne. Di çarçoveya xebatên nûkirina amûran de li Parqa Hemdullah Uçkan nîştikên daran yên kevin hatin rakirin û li cihê wan nîştikên saca galvanîzekirî yên nû yên ku li hemberî mercên hewayê xurt in hatin bicihkirin.

Amûrên Nû Dirêjtir û Bikêrtir in

Gerînendehiya Parq û Baxçeyan, diyar kir ku nîştikên sac yên ku li şûna yên bi dar ku bi demê re kevin bûne û hewcedariya lêçûnê hene, hatin bicihanîn bi vî awayî hem temenê bikaranînê dirêj dibe hem jî paqijkirina wan hêsantir e. Bi taybetî ev komên rûniştinê yên nû yên ku li hemberî mercên hewaya dijwar ên Wanê xurttir in, derdora parqê jî guherand.

Gerînendehiyê destnîşan kir ku ji bo ku hemû parqên navçeyê xwediyê rengeke nûjentir bin xebat dê bênavber bidomin. Pêvajoya guherînê ya ku bi Parqa Hemdullah Uçkan dest pê kir, dê li hemû herêmên civakî yên li giştiya navçeyê û li deverên seyrangeh û bêhnvedanê ên li Perava Mollaqasimê jî werin sepandin.

Di encama van xebatan de; komên rûniştinê yên kevin û şikestî dê bêne nûkirin, lêçûna temîrê dê kêm bibe û çavkaniyên gel dê bêne parastin. Her wiha bi vê xebatê ve hemwelatî wê di parqan de demên xweştir derbas bikin.