Gerînendehiya Zabiteyan a Şaredariya Tuşbayê, xebatên xwe yên çavdêriyê ku li ser xwarin û paqijiyê ji bona parastina tenduristiya gel dimeşîne, bê navber didomîne. Di qontrolên ku bi taybetî li ser kargehên hilberîna xwarinên bingehîn tên kirin de, mercên hîjyenê û standartên hilberînê tên vekolînkirin.

Di çarçoveya qontrolên dawî yên Gerînendehiya Zabiteyan de, di firineke nan de kêmasiyên li dijî rêzikên paqijiyê û standartên hilberînê hatin kifşkirin. Di encama lêkolînan de hat diyarkirin ku paqijiya qadên hilberînê, guncavbûna amûrên tên bikaranîn û mercên giştî yên xebatê ne li gorî mewzûatê ne. Li ser van neyêniyên ku hatin diyarkirin, ji bo kargeha têkildar cezayê pereyan hat birîn û kargeh hat mohrkirin.

“Armanc Afirandina Mercên Hilberînê Yên Ewletir û Tendurist e”

Tîmên zabiteyan piştî lêkolînê hişyarî dan xwediyê kargehê û ragihandin ku divê mercên fîzîkî û qadên hilberînê yên nanpêjê bi lezgînî li gorî standartên paqijiyê werin amadekirin. Rayedarê kargehê jî diyar kir ku ji bo çareserkirina kêmasiyan dê di demeke kurt de pêvajoyeke berfireh a nûkirin û baştirkirinê bidin destpêkirin.

Peywirdarên şaredariyê destnîşan kirin ku vekolîn ne tenê bi cezayan sînordar in; di heman demê de ew rêberiyê didin kargehan da ku mercên hilberînê yên tenduristtir û ewletir pêk werin.

Rayedarên Şaredariya Tuşbayê dan zanîn ku gihîştina welatiyan a xwarinên tendurist û ewle ji bo wan pêşîniyek e û diyar kirin ku çavrekirin li seranserê navçeyê dê berdewam bikin.