Li Kolana bi navê Tren Yolu ya li Taxa Altintepe û li Kolana Seher ya li Taxa Qalecixê avahiyên xopan û gov, bi hevkariya xebatkarên Gerînendehiya Karûbarên Giştî û Gerînendehiya Zabiteyê ve hatin hilweşandin û pişt re dever hatin paqijkirin.

Di çarçoveya xebatên ku bi hevahengiya Gerînendehiya Karûbarên Giştî û Gerînendehiya Zabiteyê ya Şaredariya Tuşbayê tên meşandin de, li her du taxan jî avahiyên dêris û tewleyên ku demeke dirêj nedihatin bikaranîn û bûbûn mijara gilî û gazincên hemwelatiyan, bi awayekî ewle hatin rûxandin. Piştî tepkirinê, xwelî, bermayî û kavilên derketî jî ji deveran hatin rakirin û gildixîna qadan ji holê rabû.

Bi van xebatan re, li her du taxan jî qirêjiya dîtbarî û metirsiyên ewlehiyê bi piranî hatin çareserkirin.

Berpirsiyarên Şaredariya Tuşbayê diyar kirin ku qontrol û çavdêriya li ser gom û avahiyên kelefe dê bidome, her weha daxwaz û pêşniyarên ji aliyê welatiyan ve tên jî dê bên nirxandin.