Gerînendehiya Parq û Baxçeyan ya Şaredariya Tuşbayê, ji bo ku parqên li seranserê navçeyê ewletir û bikêrtir bên kirin xebatên xwe didomîne. Di vê çarçoveyê de li Parqa Soner Îdîl xebatên nûkirin û lêçûnê hatin pêkanîn.

Gerînendehiya Parq û Baxçeyan, di çarçova xebatên xwe de, li Parqa Soner Îdîl ya ku li TOKÎ ya Qelecixê ye xebatên nûkirinê pêk ve birin. Komên lîstikê yên zarokan ên ku xira bûbûn hatin rakirin û li şûna wan yên nû hatin danîn. Ji bo ku parq xwediyê xuyaniyeke ewletir û estetîktir bin, xebatên lênêrîn û temirê bi baldarî hatin kirin.

Gerînendehiyê diyar kir ku xebatên li parq û qadên hêşînayî dê bênavber bidomin da ku zarok di hawîrdorek ewledar de wext derbas bikin û niştecihên navçeyê ji qadên rehetir sûd werbigirin. Her wiha ji hemwelatiyan hat xwestin ku ji ber amûrên parqan neyên şikestin û qadên hêşînahî bên parastin hêj hestiyartir bin.