Xebatkarên Gerînendehiya Parq û Baxçeyan ên Şaredariya Tuşbayê li hewş û baxçeyên navxweyî yên Malên Kevnar ên Wanê, ku yek ji mîrateyên girîng ên çandî û avahîsazî yên bajêr e, xebateke berfireh a lênihêrîn û rêxistina derdorê pêk anîn.

Bi hatina demsala havînê û zêdebûna hejmara mêvanan, tîmên Gerînendehiya Parq û Baxçeyan li Malên Kevnar ên Wanê çîm dirûtin, giyayên xirab paqij kirin û li qadên hêşînayî karên lênihêrîna giştî pêk ve birin. Her wiha, wan çavdêriya daran û nebatên xemilandinê jî kirin û li rêyên meşê û cihên rûniştinê xebata paqijkirinê meşandin.

Di çarçoveya van xebatan de, çîmenên baxçeyên navxweyî yên li pêşiya avahiyên kevnar bi baldarî hatin birîn û giyayên ku dibûn sedema dîmenên xirab hatin jêkirin. Eîbên Gerînendehiya Parq û Baxçeyan dema ku lênihêrîna giştî ya qadên kesk dikirin, qontrola tenduristiya daran û nebatên di hewşê de jî yek bi yek pêk anîn. Rêyên meşê, erdên kevirîn û cihên rûniştinê yên ku mêvan rasterast bikar tînin jî bi paqijkirineke berfireh hatin rêkûpêkkirin.

Malên Kevnar ên Wanê li benda mêvanan e

Malên Kevnar ên Wanê, ku di bîra bajarê Wanê û tevna wê ya dîrokî de cihê taybet heye, bi rêxistinên navxweyî yên nû ve xwedî dîmenekî estetîktir û bikêrhatîtir bûye. Van destwerdanan atmosfer û rihê wê yê dîrokî û otantîk ber bi pêş ve anîn û ji bo mêvanan jî qada geştê ya paktir pêşkêş kir.

Gerînendehiyê diyar kir ku karên lênihêrînê li parq, baxçe û qadên rekreasyonê yên li seranserê bajêr li gorî bernameya diyarkirî berdewam dikin. Her wiha hat gotin ku ji bo parastin, pêşxistin û veguheztina mîrateya dîrokî û qadên hêşînayî ên Tuşbayê bi awayê herî baş bo nifşên pêşerojê, ev xebat dê di heyama havînê de bênavber bidomin.