Şaredariya Tuşbayê, di çarçoveya Qanûna Hejmare a 6331an de, ji bo karkerên şaredariyê vekolînek tenduristiyê ya berfireh da destpêkirin. Bi tetkîkên ku bi Wesayita Gerok a ISGê ya li ber avahiya xizmetê hatiye bicihkirin û di Salona Çarpanakxê de hatine danîn, tê armanckirin ku nexweşiyên pîşeyî zû werin kifşkirin û ji bona xebatan rewşeke ewledar were dabînkirin.

Wesayita Gerok a Tenduristî û Ewlekariya Kar (İSG) ya ku li ber Avahiya Xizmetê a şaredariyê hatibû bicihkirin, ji karkeran re xizmeta tenduristiyê li cih de pêşkêş kir. Di vekolînên ku ji aliyê tîmên pisporî ve hatin kirin de, Grafa Pişikê (PA) ya karkeran hat kişandin û pîvanên Odyometriyê (testa bihîstinê) hatin kirin.

Salona Çarpanaxê bû laboratuvar

Lingekî din ê vekolînan di Salona Çarpanaxê ya hundurê avahiyê de hat pêk anîn. Di xebatên ku di bin hevahengiya Yekîneya Tenduristî û Ewlekariya Kar ya Şaredariya Tuşbayê de, ji aliyê personelê tenduristiyê yê pispor ê DAL OGSBê ve hatin meşandin de, tetkîqên berfireh li ser xebatkaran hatin kirin.

Di qadên ku di hundurê salonê de hatibûn damezrandin de, lênihêrîna çav, Testa Fonksiyona Bêhnê (SFT) û tetkîqa hemogramê (Hejmartina Xwînê) hatin kirin.

Armanc: Pêşîgirtina qezayên kar û teşhîsa zû ye

Yekîneya Tenduristî û Ewlekariya Kar, bi vê pratîka berfireh de destîşan kir ku armanca wan ew e ku rewşa tenduristiyê ya karkeran bi rêkûpêk were şopandin, nexweşiyên pîşeyî zû werin teşhîskirin û qadeke ewle a xebatan were peydakirin. Tê mebestkirin ku vekolîn bi awayekî ku hemû karkerên di bin banê şaredariyê de kar dikin bigire, were qedandin.

Rêvebir û berpirsiyarên Şaredariya Tuşbayê jî diyar kirin ku mezintirîn pêşengtiya wan tenduristiya karkeran e û gotin: "Em xebatên xwe yên ji bo parastina tenduristiya karkeran û bilindkirina mercên xebatê ên ewledar ên di asta herî bilind de berdewam dikin. Ji bo ku karker di nava şert û mercên baş de şol bikin, çalakî û pêwendiyên me yên bi ISGê re wê her tim bidomin."