Gerînendehiya Karûbarên Paqijiyê ya Şaredariya Tuşbayê, ji bo ku hemwelatî cejna ku dê sibehê dest pê bike di hawîrdoreke paqijtir û baştir de pêşwazî bikin, seferberiya paqijiyê ya ku li seranserê navçeyê destpê kiriye bênavber didomîne.

Gerînendehiya Karûbarên Paqijiyê, ku xebatên xwe di arefeya cejnê de hêj bêtir zêdetir kirin, şev û roj bi awayekî koordine tax bi tax çalakiyên paqijiyê didomînin. Armanc ew e ku hemû hemwelatî di hawîrdorek wekhev, paqij û pêkvejiyan de bikevine cejnê.

Xebatkar Roj û Şev Li Qadê Ne

Tîmên ku di mesaiya rojê de dixebitin; li taxên Seyrantepe, Şabax, Altintepe, Şemsîbey, Qelecix û Îskeleyê xebatên gêzîkirin û berhevkirina bermahiyan dikin.

Tîmên ku mesaiya şevê didomînin jî dê li taxên Akkoprî, Îstasyon û Abdurrahman Gazî û li ser rêyên sereke yên ku trafik li ser giran e (Rêya Erdcîş, Kolana Îskeleyê) û li devera di nav Taxa İskelêyê xebatên paqijiyê berdewam bikin.

Bi Kepçeyan Bermahî Têne Rakirin

Gerînendehiya Karûbarên Paqijiyê, xebatên xwe bi maşîneyan bi rê ve dibe û li tevahiya navçeyê paqijiyek berfireh pêk tîne. Bi xebatên kepçeyê bermahiyên ku li erdên vala berhev bûne, bermayiyên kolandinan û yên malan ku dibin sedema qirêjbûna hawîrdorê têne paqij kirin.

Gerînendehiyê diyar kir ku xebatên paqijiyê dê şev dest pê bikin û heta sibeha cejnê berdewam bikin û di cejnê de jî bidomin da ku hemwelatî bikarbibin cejna xwe di olşeke aramî û paqij de pêşwazî bikin.