Gerînendehiya Polîtîkayên Jinan, bi armanca balkişandina ser wekheviya zayendî ya civakî û têkoşîna jiyana jinan, fîlma bi navê "Joy" ya ku di sala 2015an de hatibû kişandinê, nîşanî xebatkarên şaredariyê da.

Fîlma ku ji çîroka jiyaneke rastî hatiy girtin û di rola sereke de Jennifer Lawrence cih digire; balê dikişîne ser têkoşîna karsaza Amerîkî Joy Mangano ya ku tevî hemû astengiyan dighêje serkeftinê. Çîroka Joy a ku tevî zordariyan di jiyana karsaziyê ya di bin serdestiya mêran de, astengiyên di nav malbatê de û pirsgirêkên aborî qet dev ji têkoşînê bernade, ji aliyê biryardarî, keda jinê û karsaziyê ve mînakeke herî geş û fersendê dide mirovan.

Bi nîşandana fîlmê re, li aliyekî bal hat kişandin ser bêwekheviyên ku jin di jiyana civakî û jiyana kar de pê re rû bi rû dimînin li aliyê din jî peyamên piştgiriya hevdu, têkoşîn û biryardariyê derdixe pêş.