Hevserokê DEM Partiyê yê Navçeya Tuşbayê Refîk Çîdal, şandeya ku Hevşaredar Xanim Akkoş û Ûmît Keser jî di nav de bûn, serî li hemwelatiyan ên ku li Navenda Tipê ya Dursun Odabaşi tên dermankirin dan.

Di serdana ku rêveberiya navçeya Tuşbayê û endamên meclisa şaredariyê jî beşdar bûn de, der barê rewşa tenduristiyê ya nexweşan de agahdarî hate stendin. Heyetê, bi nexweş û kesûkarên wan re sohbet kir û daxwazên xwe yên saxî û silametiyê pêşkêş kirin.


Şandeya ku serdana nexweşên ku li yekeyên cuda yên nexweşxaneyê tedawî dibin kir, der barê rewşa tenduristiyê ya nexweşan de agahdarî wergirt û dilê nexweşan xweş kir. Hevşaredarên ku di dema serdanê de bi xizmên nexweşan re jî peyivîn diyar kirin ku ew di her şert û mercan de li ba welatiyan in û peyama hevgirtinê dan.