Gerînendeha Karûbarên Teknîkî ya Şaredariya Tuşbayê Sevda Ronay, xebatên rêyan ên ku li navçeyê berdewam dikin, di cih de lêkolîn kir.

Gerînendeha Karûbarên Teknîkî ya Şaredariya Tuşbayê Sevda Ronay, xebatên çêkirin û temîra rêyan ên li navçeyê didomin li cihê xebatan de vekoland û ji ekîbên li qadê agahiyên berfireh wergirt.

Gerînendeha Karûbarên Teknîkî Sevda Ronay diyar kir ku bi taybetî xebatên rêyan ên ku bi têgihîştina xizmetê ya wekhev û adil li hemû taxan tên meşandin, armanc dike ku qalîteya jiyana welatiyan baştir bike.

Ronay ragihand ku ji destpêka demsalê ve xebatên çêkirina rêyên stabîl, vekirina rêyên nû, temîrên qîrê û vekirina rêyên ber bi peravan ve bi awayekî giran didomin û wiha got: “xizmeta wekhev li her xalê Tuşbayê peywira me ya sereke ye. Ji bo ku welatiyên navçeyê bi ewle û rehet bigihêjin cihan, em hewl didin û xebatên xwe bi plansazî û bi baldarî dimeşînin.”

"Em Derbarê Xebatên Gihîştina Peravan De Xwe Sist Nakin"

"Ronay diyar kir ku ji destpêka demsalê ve bi awayekî dijwar li ser xebatên têkildarî peravan dixebitin, û wiha axivî: “Em bawer dikin ku xebatên me ji bo hêsaniya gihîştina peravan destpêkirine, ne tenê welatiyên navçeyê, her wiha hemû gelê bajêr û geştyarên ku serdana bajêr dikin jî bi awayekî erênî bandor dike, ji ber vê yekê ev xebat xwedî girîngiyek mezin in. Em careke din dubare dikin ku perav ne qadên bikaranîna kesayetî ne û em di vî warî de tawîzê nedin.”

Ronay her wiha destnîşan kir Gerînendehiya Karûbarên Teknîkî, ji bo çareserkirina kêşeyên rêyan li hemû taxên navçeyê û hêsankirina veguhstinê bi awayekî giran dixebitin û got ku ew bi guhdarîkirina daxwazên gel armanc dikin ku qalîteya xizmetê her tim zêde bikin.